Bible Chinthakal

പതറുന്നവരെ പിൻചെല്ലുന്ന ഈശോ

ഈശോ തന്റെ വേർപാടിനെ കുറിച്ച് ശിഷ്യന്മാർക്ക് സൂചന നൽകുന്നു. ഈ വാർത്ത അവരെ വേദനിപ്പിക്കുക സ്വാഭാവികം. ഈശോയെ ഓർത്താണ് അവർ അസ്വസ്ഥപ്പെടുന്നത്. ഈശോയുടെ മരണം ഒരു യാഥാർത്ഥ്യമാണ്. പക്ഷേ അതിന്റെ അന്ത്യം മൂന്നാം ദിനത്തിനെ തന്റെ പുനരുത്ഥാനത്തിന്റെ യാഥാർഥത്തിലേക്കാണ് വിരൽ ചൂണ്ടുക. ഈ സന്ദർഭത്തിൽ ഈശോ ശിഷ്യരെ സമാശ്വസിപ്പിച്ചു പറഞ്ഞ വാക്കുകളാണ് യോഹന്നാൻ 14 :1 -14. ഈശോയുടെ മരണം തൽക്കാലിക വേർപാടാണ്. ഉത്ഥാനമോ തിരിച്ചുവരവാണ്. ഉത്ഥാനം നിത്യമാണ്. ഈ ഉറപ്പ് ശിഷ്യർക്ക് നൽകിയാണ് ഈശോ അവരെ ആശ്വസിപ്പിക്കുന്നത്. തന്റെ തിരിച്ചു വരവിനുള്ള വഴിയൊരുക്കിലാണ് തന്റെ മരണം. തനിക്ക് നൽകപ്പെട്ടവരുടെ അസ്വസ്ഥതയെ കുറിച്ച് ഈശോയ്ക്കു ഏറെ കരുതലുണ്ട് എന്ന് 14: 1ൽ വ്യക്തമാക്കുന്നു. അവരുടെ മനസ്സിനു ശാന്തിയും സമാധാനവും അരുളുവാൻ അവിടുന്ന് അത്യധികം ആഗ്രഹിക്കുന്നു. ശിഷ്യന്മാർ അസ്വസ്ഥരാകുന്ന സന്ദർഭങ്ങളിൽ എല്ലാം അവിടുന്ന് കടന്നുച്ചെന്ന് അവരെ കരുതലോടെ ആശ്വസിപ്പിക്കുന്ന…