ANECDOTES

രക്ഷ യേശുവിലൂടെ മാത്രം

യുഗയുഗാന്തരങ്ങളായി മഹോന്നതൻ മറച്ചുവെച്ചിരുന്ന തന്റെ മഹോന്നത പദ്ധതിയുടെ രഹസ്യം മിശിഹായിൽ മുഴുവനായി വെളിപ്പെട്ടു . അതിന്റെ പ്രഘോഷകൻ ആയി വിസ്മയാവഹമായ വിധത്തിൽ സാവൂൾ( പൗലോസ്) തെരഞ്ഞെടുക്കപ്പെട്ടു. അദ്ദേഹം അത് പൂർത്തിയാക്കുന്നത് സഹനത്തിലൂടെ ആണ്. ഈശോ സകലരെയും രക്ഷിച്ചത് തന്നെ സഹന മരണോത്ഥാനങ്ങളിലൂടെ ആണല്ലോ. നമ്മുടെയും മറ്റു സകലരുടേയും നിത്യരക്ഷ യെക്കുറിച്ച് ധ്യാനിക്കുകയും ഈ കൃപയ്ക്കു വേണ്ടി പ്രാർത്ഥിക്കുകയും ചെയ്യേണ്ട ദിനങ്ങൾ ആണിവ. വെളിപ്പെടുത്തപ്പെട്ട രഹസ്യങ്ങളുടെ വ്യാഖ്യാതാവായി എഫേ.3:1-13ൽ പൗലോസ് സ്വയം ചിത്രീകരിക്കുന്നു. ഈശോയുടെ രക്ഷാകര രഹസ്യത്തെക്കുറിച്ച് ഏറെ ശ്രദ്ധേയമായ രണ്ടു കാര്യങ്ങളുണ്ട്. പഴയനിയമ പ്രവാചകർക്ക് പോലും തികച്ചും അജ്ഞാതമായിരുന്നു ഈ രഹസ്യം വ്യക്തമാക്കുന്ന ഒന്നാമത്തെ കാര്യം മിശിഹാ നേടിയെടുത്ത രക്ഷയ്ക്ക് സകല ജനതകളും അവകാശികളാണ്, എന്നതാണ്. അതായത് ഈശോമിശിഹായിൽ വിശ്വസിച്ചു മാമോദിസ സ്വീകരിക്കാൻ സന്നദ്ധതരാകുന്ന എല്ലാവർക്കും ഈ രക്ഷയ്ക്ക് അവകാശമുണ്ട്. സഭയുടെ അസ്ഥിത്വത്തിന്റെ നിദാനവും ഈ രഹസ്യം…