Blessed Virgin Mary

പരിശുദ്ധ കന്യകയോടുള്ള  ഭക്തി

ഇവിടെ ചില വിശ്വസ്ത ദാസരിൽനിന്ന് ഒരു ചോദ്യമുദിച്ചേക്കാം: ഈ വിമലജനനിയുടെ വിശ്വസ്തദാസർക്ക്, മറിയത്തോട് വലിയ ഭക്തിയില്ലാത്തവരെക്കാൾ കൂടുതൽ സഹിക്കേണ്ടിവരുന്നതെന്തുകൊണ്ടാണെന്ന്. അന്യർ ഇവരോടെതിർക്കുന്നു; ഇവരെ പീഡിപ്പിക്കുന്നു. അധിക്ഷേ പിക്കുന്നു-പോരാ, അവർക്ക് ഇവരുടെ സാന്നിദ്ധ്യം സഹിച്ചുകൂടാ. അല്ലെ ങ്കിൽ, ഇവർ സ്വർഗ്ഗീയ വെൺമഞ്ഞിന്റെ ഒരു തുള്ളിപോലും ആസ്വദി ക്കുവാൻ സാധിക്കാത്ത ആന്തരിക അന്ധകാരത്തിലും ആദ്ധ്യാത്മിക മരുഭൂമികളിലും തപ്പിത്തടയുന്നു. പരിശുദ്ധ കന്യകയോടുള്ള ഈ ഭക്തി ഈശോയുടെ പക്കലേക്കുള്ള എളുപ്പവഴിയെങ്കിൽ, ഇവർ ഏറ്റവുമധികം അവഹേളിതരാകുന്നത് എന്തുകൊണ്ട്? ഇതാണു മറുപടി; പരിശുദ്ധ കന്യകയുടെ ഏറ്റവും വിശ്വസ്തദാ സന്മാർ, അവൾക്ക് അത്യധികം പ്രിയപ്പെട്ടവരാണ് എന്നതു പരമസത്യം. അക്കാരണത്താൽ അവളിൽനിന്ന് ഏറ്റവുമധികം സ്വർഗ്ഗീയ സഹായങ്ങളും ആനുകൂല്യങ്ങളും അവർ സ്വീകരിക്കുന്നുണ്ട്; അവ കുരിശു കളാണെന്നുമാത്രം. കൂടുതൽ കുരിശുകൾ പ്രയാസം കൂടാതെ വഹി ക്കുന്നതും അവയിൽനിന്നു കൂടുതൽ യോഗ്യതയും മഹത്ത്വവും സമ്പാ ദിക്കുന്നതും അവർ തന്നെയാണെന്നു ഞാൻ ഉറപ്പിച്ചു പറയുന്നു.…