സങ്കീർത്തനങ്ങൾ

നാല്പത്തിയാറാം സങ്കീർത്തനം

അമ്മാനു ഏൽ (ദൈവം നമ്മോടുകൂടെ ആകുന്നു)  ദൈവത്തിലുള്ള അചഞ്ചലമായ വിശ്വാസമാണ് നാൽപത്തിയാറാം സങ്കീർത്തനത്തിന്റെ പ്രധാന ആശയം. പ്രപഞ്ചോൽപ്പത്തി ലും പ്രാപഞ്ചിക ശക്തികളുടെ നാശത്തിലും  ചരിത്രത്തിലെ ഓരോ സംഭവത്തിലും ദൈവത്തെ തേടുകയാണ് വിശ്വാസിയുടെ കടമ. എല്ലാറ്റിലും ദൈവ കേന്ദ്രീകൃതമായ മനോഭാവം പുലർത്തുക എന്നതാണ് സങ്കീർത്തകന്റെയും കാഴ്ചപ്പാട്.  കരുണാർദ്രനായ,സഹായകനായ സർവ്വശക്തന്റെ സാന്നിധ്യമാണ് ഇസ്രായേലിന്റെ ( നമ്മുടെ) അഭയം. മനുഷ്യന്റെ ശക്തി ദൈവമാണ്. സൈന്യ ബലത്തിൽ ആശ്രയിക്കുന്നവർ ഉണ്ടാകാം. വിശ്വാസിയുടെ അഭയവും ശക്തിയും ദൈവം മാത്രമാണ് ; ആയിരിക്കണം. സങ്കീർത്തനങ്ങളിലെ പ്രമുഖ ആശയമാണ് മനുഷ്യന്റെ അഭയം, തുണ, സങ്കേതം,ആശ്രയം ദൈവം മാത്രമാണെന്നത്.  ഇക്കാരണത്താൽ പ്രപഞ്ചത്തിലെ പ്രതിഭാസങ്ങളെ വിശ്വാസി ഭയപ്പെടരുത്. നിർഭയം അവയെ നേരിടാൻ അവന് സാധിക്കും. ഭൂമി കുലുങ്ങിയാലും മലകൾ ഇളകികിയാലും സമുദ്രം ഗർജിച്ചാലും അവന് ഭയമില്ല. കാരണം ദൈവം അവനോടു കൂടെയുണ്ട് (അമ്മനു ഏൽ - ദൈവം നമ്മോടു കൂടെ…