🌹🌸ബോധ്യപ്പെടുത്തി എടുക്കുക🌹🌸

🌹🌹ആന്തരിക സൗഖ്യശുശ്രുഷയിൽ പ്രാർത്ഥന, ഉപവാസം, ആത്മപരിശോധന, ധ്യാനം, വചന പഠനം, വിശ്വാസം തുടങ്ങിയവയുടെ അപരിമേയവും പ്രകൃതിയാതീതവുമായ ശക്തിയെക്കുറിച്ച് കുറ്റബോധത്തിൽ കഴിയുന്നവരെ ബോധ്യപ്പെടുത്തി എടുക്കുക. എന്നുള്ളത് പുരോഹിതന്റെ ഏറ്റവും കാതലായ ഉത്തരവാദിത്വമാണ്. സ്വാന്തനോപദേശങ്ങൾ അത്യന്താപേക്ഷിതമായ അവസ്ഥയിലാണ് ഇക്കൂട്ടർ. അവരെ വിശ്വാസം പ്രത്യാശ സ്നേഹം എന്നീ ദൈവിക പുണ്യങ്ങളിൽ പദ്ധമൂന്നി നിന്ന് ആത്മവിശ്വാസം വളർത്തിയെടുക്കാൻ കക്ഷികളെ പഠിപ്പിക്കണം, പ്രചോദിപ്പിക്കണം, പ്രോത്സാഹിപ്പിക്കണം. അജപാലന രംഗത്ത് പുരോഹിതൻ നേരിടുന്ന നിരവധി വെല്ലുവിളികളിൽ പ്രമുഖ സ്ഥാനത്താണ് ഈ മേഖല. ക്രിസ്തുവിൽ, അവിടുത്തെ വചനത്തിൽ, അവിടുത്തെ ശരീരമായ സഭയിൽ വേരൂന്നി നിൽക്കുന്നവർക്ക് ഇവിടെ വിജയിക്കാനാവൂ. പരിശുദ്ധാത്മാവിന്റെയും പരിശുദ്ധ അമ്മയുടെയും മാലാഖമാരുടെയും വിശുദ്ധരുടേയും കരങ്ങളിൽ മുറുകെപ്പിടിച്ചു മുന്നേറുന്നവരേ ഇവിടെ വിജയഗാഥ രചിക്കൂ. 🌹🌹

☘️🌼 പാപബോധം മൂലം അസാധാരണവും അസന്തുലിതമായ മാനസികാവസ്ഥയിൽ കഴിയുന്നവരും നിരവധിയാണ്. യഥാർത്ഥത്തിൽ അവർ ഒരു മാനസിക സംഘർഷത്തിൽ ആത്മ പിടച്ചിലിൽപെട്ടിരിക്കുകയാണ്. വൈദികൻ ഇങ്ങനെയുള്ളവരെ പരിശുദ്ധാത്മാവിന്റെ സഹായത്തിൽ കണ്ടെത്തി അവർക്ക് സ്നേഹത്തിന്റെയും കരുതലിന്റെയും കരുണയുടെയും ധൈര്യപ്പെടുത്തിലിന്റെയും ശുശ്രൂഷ നൽകണം. പാപത്തെ വെറുക്കാനും പാപിയെ സ്നേഹിക്കാനും പഠിപ്പിച്ച് അവരെ അങ്ങനെ രക്ഷിച്ചു സ്വർഗ്ഗത്തിൽ എത്തിക്കാനും ആണ് പിതാവായ ദൈവം പുത്രനെ ലോകത്തിലേക്കു അയച്ചുതന്ന സത്യങ്ങൾ പറഞ്ഞു മനസ്സിലാക്കി പുരോഹിതൻ അവരെ ധൈര്യപ്പെടുത്തണം. ☘️🌼

🌼🌷പാപം എത്ര വലുതാണെങ്കിലും അതിനേക്കാൾ വലുതാണ് വല്ലഭന്റെ കൃപ, കാരുണ്യം എന്നു വൈദികൻ അനുതപിക്കുന്ന തന്റെ ജനത്തെ പരിശുദ്ധത്മാവിന്റെ സഹായത്തോടെ ബോധ്യപ്പെടുത്തണം. ഏറ്റവും വലിയ പാപിയും, അനുതപിക്കുമെങ്കിൽ, ദൈവത്തിലേക്ക് മടങ്ങിവരുമെങ്കിൽ, അവർക്കാണ് ദൈവകരുണയ്ക്കു ഏറ്റവും കൂടുതൽ അർഹത. പാപികളെ ഉടച്ചുവാർത്ത പുതുക്കി പുതിയ സൃഷ്ടി യാക്കാൻ അഭിഷിക്തനായ വൈദികന് ഈശോ തന്റെ പരിശുദ്ധാത്മാവിലൂടെ അവനു അഭിഷേകം നൽകപ്പെട്ടിട്ടുണ്ട്. 🌷🌼

🌹🌸പൗലോസ് തീത്തോസിനെഴുതിയ ലേഖനം 3: 4, 5 വൈദികനും വിശ്വാസികൾക്കും വരെ പ്രത്യാശ നൽകുന്ന സന്ദേശമാണ് നൽകുന്നത്. “എന്നാൽ, നമ്മുടെ രക്ഷകനായ ദൈവത്തിന്റെ നന്മയും സ്നേഹം നിറഞ്ഞ കാരുണ്യവും വെളിപ്പെട്ടപ്പോൾ അവിടുന്ന് നമുക്ക് രക്ഷ നൽകി. അത് നമ്മുടെ നീതിയുടെ പ്രവർത്തികൾ കൊണ്ടല്ല; പിന്നെയോ അവിടുത്തെ കരുണ മൂലം പരിശുദ്ധാത്മാവിൽ അവിടുന്ന് നിർവഹിച്ച പുനരുജ്ജീവനത്തിന്റെയും നവീകരണത്തിന്റെയും സ്നാനത്താലത്രേ”.🌷🌸