അന്ത്യകാലങ്ങളിൽ തന്റെ പരിശുദ്ധ മാതാവായ മറിയം പൂർവ്വാധികം അറിയപ്പെടുവാനും സ്നേഹിക്കപ്പെടുവാനും ബഹുമാനിക്കപ്പെ ടുവാനും ദൈവം ആഗ്രഹിക്കുന്നു. അടുത്തുതന്നെ ഞാൻ വിശദമാക്കുവാൻ ആഗ്രഹിക്കുന്നവ, തെരഞ്ഞെടുക്കപ്പെട്ടവർ മനസ്സിലാക്കുകയും പരിശുദ്ധാത്മാവിന്റെ പ്രകാശത്താലും കൃപാവരത്താലും, അതിന്റെ ആഴ ങ്ങളിലേക്ക് ഉൾപ്രവേശിക്കുകയും വേണം. എന്നിട്ട് അവ പരിപൂർണ്ണ മായി അനുഷ്ഠിക്കുകയും ചെയ്താൽ, മുകളിൽ പറഞ്ഞവ സംഭവി ക്കും. അപ്പോൾ സാധിക്കുന്നിടത്തോളം സ്പഷ്ടമായി അവർ വിശ്വാസംവഴി വെണ്മയാർന്ന സമുദ്രതാരത്തെ ദർശിക്കും. അവർ അവളുടെ സംരക്ഷണത്തിലും നിയന്ത്രണത്തിലും കൊടുങ്കാറ്റിനെയും കൊള്ളക്കാരെയും മറികടന്ന് സുരക്ഷിതരായി സസന്തോഷം തങ്ങളുടെ ജീവിതാന്ത്യമായ തുറമുഖത്തടുക്കും. അവർ ഈ രാജ്ഞിയുടെ മഹത്ത്വം ദർശിക്കും. അവളുടെ സേവനത്തിനായി തങ്ങളെത്തന്നെ പൂർണ്ണമായും പ്രജകളും സ്നേഹ അടിമകളുമായി സമർപ്പിക്കും; അവളുടെ മാതൃസഹജമായ നന്മയും മാധുര്യവും രുചിച്ചറിയുകയും വത്സലതനയരെപ്പോലെ അവർ അവളെ നിഷ്കളങ്കമായി സ്നേഹിക്കുകയും ചെയ്യും. കാരുണ്യം കരകവിഞ്ഞൊഴുകുന്ന അവളെ അവർ തിരിച്ചറിയും. അവളുടെ അനു ഗ്രഹം തങ്ങൾക്ക് അനിവാര്യമെന്നും അവർ ഏറ്റുപറയും. ക്രിസ്തു വിന്റെ പക്കൽ ഏറ്റവും പ്രിയപ്പെട്ട അഭിഭാഷകയും തങ്ങൾക്കുള്ള മദ്ധ്യ സ്ഥയുമെന്ന നിലയിൽ അവർ സകലതിനും അവളെ അഭയം തേടും. ക്രിസ്തുവിനെ സമീപിക്കുന്നതിനുള്ള പൂർണ്ണവും ഋജുവും ഉറപ്പുള്ളതും സുഗമവുമായ കുറുക്കുവഴി മറിയമെന്ന് അവർ അനുഭവിച്ചറിയും. പൂർണ്ണമായി ക്രിസ്തുവിന്റേതായി മാറുവാൻ വേണ്ടി തങ്ങളുടെ ആത്മശരീര ങ്ങൾ അവർ നിർലോഭം അവൾക്കു സമർപ്പിക്കുകയും ചെയ്യും.
എന്നാൽ ആരായിരിക്കും ഈ ദാസർ, ഈ അടിമകൾ, ഈ മേരീ സുതർ?എരിയുന്ന അഗ്നികുണ്ഡമായി ലോകമാസകലം ദിവ്യ സ്നേഹാഗ്നി ജ്വലിപ്പിക്കുന്ന ദൈവകാര്യസ്ഥന്മാരായിരിക്കും.
ശക്തന്റെ കൈകളിൽ അസ്ത്രങ്ങൾ എന്നതുപോലെ (സങ്കീ 1264) മറിയത്തിന്റെ ബലിഷ്ഠകരങ്ങളിൽ, അവളുടെ ശത്രുക്കളെ പിളർക്കുന്ന മൂർച്ചയേറിയ ആയുധങ്ങളായിരിക്കും, മേരിസുതർ
അവർ ലേവിയുടെ മക്കളായിരിക്കും. ക്ലേശാഗ്നിയിൽ അവർ ശുദ്ധി കരിക്കപ്പെട്ടു. ദൈവത്തോടു ചേർന്നു നിൽക്കും (1 കോറി 6:17), സ്നേഹ മാകുന്ന കനകം ഹൃദയത്തിലും, പ്രാർത്ഥനയാകുന്ന കുന്തുരുക്കം ആത്മാവിലും, ആശാനിഗ്രഹമാകുന്ന മീറാ ശരീരത്തിലും വഹിച്ചു കൊണ്ട് യാതൊരു ചിന്താകുലതയുമില്ലാതെ നാഥനോട് അവർ പൂർണ്ണ മായി ഐക്യപ്പെടും. പാവങ്ങളിലും വിനീതരിലും ക്രിസ്തുവിന്റെ മധുരസുഗന്ധം അവർ പരത്തും. എന്നാൽ അവർ, അഹങ്കാരികളായലൗ കായതികർക്കും സമ്പന്നർക്കും മാരകഗന്ധമായി മാറും
