🌹🌸മറിയത്തിന്റെ ദൈവാലയ സമർപ്പണം🌹🌸

🌹🌼പരിശുദ്ധ കന്യകാമറിയത്തിന്റെ ജീവിതവും ചരിത്രവും **- അഗ്രെദായിലെ വാഴ്ത്തപ്പെട്ട സിസ്റ്റർ മരിയയ്ക്കു വെളിപ്പെടുത്തിയത്🌼🌹

രണ്ടാമത്തെ ഭാവ ദർശനത്തിൽ സർവ്വശക്തന് അടുത്തു വ്യവഹരിക്കുന്ന കുറച്ചു സെറാഫിൻമാലാഖമാർ അവിടുത്തെ ആജ്ഞാനുസരണം മറിയത്തെ സമീപിക്കുകയും അവളെ ഇപ്രകാരം അലങ്കരിക്കുകയും ചെയ്തു. സൗന്ദര്യ പൂരിതമായ കൃപയുടെ വിളിച്ചത്താൽ മറിയത്തിന്റെ ഇന്ദ്രിയങ്ങൾ ജ്വലിക്കപെട്ടു. അവർ ശിശുവിനെ അതീവ ശോഭയുള്ള ഒരു മേലങ്കി ധരിപ്പിക്കുകയും പ്രകാശകിരണങ്ങൾ ചൊരിയുന്ന തിളങ്ങുന്ന വജ്രങ്ങൾ നിറഞ്ഞ ഒരു അരക്കച്ച അണിയിക്കുകയും ചെയ്തു. അവ മറിയത്തിന്റെ നൈർമല്യത്തെയും അവളുടെ ആത്മാവിന്റെ മറ്റ് നന്മകളെയും സൂചിപ്പിക്കുന്നു. മൂന്ന് വലിയ വൈഡ്യൂര്യങ്ങൾ പതിച്ച ഒരു കണ്ഠാഭരണം അവർ അവളുടെ കഴുത്തിൽ ചാർത്തി. ഓരോ കല്ലുകളും അവളിൽ അനിർവചനീയമായി പ്രശോഭിപ്പിക്കുന്ന ഗുണങ്ങളെ സൂചിപ്പിക്കുന്നു. വിശ്വാസം പ്രത്യാശ സ്നേഹം എന്നീ ഗുണങ്ങളുടെ സ്ഥാനം സൂചിപ്പിക്കത്തക്കരീതിയിൽ, മറിയത്തിന്റെ ഹൃദയത്തോട് ചേർന്നാണ് അവർ ഈ വൈഡൂര്യമാല അലങ്കരിച്ചത്.

മനോഹരമായ ഏഴ് മോതിരങ്ങൾ അവർ മറിയത്തിന്റെ വിരലുകളിൽ അണിയിക്കുക വഴി പരിശുദ്ധാത്മാവിന്റെ ദാനങ്ങൾ അവിടുന്ന് അവൾക്ക് പ്രദാനം ചെയ്തതിനെ പ്രതിനിധാനം ചെയ്തു. ഇവയ്ക്കെല്ലാം അതീതമായി പരിശുദ്ധത്രിത്വം മറിയത്തിന്റെ ശിരസിൽ അപൂർവ്വമായ രത്നങ്ങൾ നിറഞ്ഞ, അഗ്രാഹ്യമായ അമൂല്യ വസ്തുവിനാൽ നിർമ്മിക്കപ്പെട്ട രാജാകിരീടം വച്ചു. അവിടുത്തെ മണവാട്ടിയും സ്വർഗീയ സാമ്രാജ്യത്തിന് അത്യുന്നത രാജ്ഞിയായും അവളെ അവരോധിക്കുകയും ചെയ്തു.

ധരിക്കപ്പെട്ട ധവള വസ്ത്രത്തിന് മേൽ സ്വർണ്ണലിപികളിൽ ഇപ്രകാരം എഴുതപ്പെട്ടു. നിത്യപിതാവിന്റെ പ്രിയ പുത്രിയും പരിശുദ്ധാത്മാവിന്റെ മണവാട്ടിയും സത്യ വെളിച്ചത്തിന്റെ മാതാവുമായ മറിയം. സ്വർഗ്ഗീയ മാതാവിന് മൂന്നാമത്തെ നാമധേയം മനസ്സിലായില്ല. പക്ഷേ ഈ നൂതനവും അസാധാരണവുമായ സംഭവങ്ങൾ വീക്ഷിച്ച ദൈവദൂതൻമാർക്ക് ഇവയെല്ലാം മനസ്സിലാവുകയും അവർ തങ്ങളുടെ സൃഷ്ടാവിനെ അത്യധികം പുകഴ്ത്തുകയും ചെയ്തു. പരിശുദ്ധ ത്രിത്വം മറിയത്തോട് ഇപ്രകാരം അരുളിച്ചെയ്തു: സദാകാലത്തേക്കും സർവ്വ സൃഷ്ടികളിലും നീ നമ്മുടെ തിരഞ്ഞെടുക്കപ്പെട്ടവളും പ്രിയപ്പെട്ടവളും മണവാട്ടിയും ആയിരിക്കും. മാലാഖമാർ നിന്നെ പരിചരിക്കുകയും എല്ലാ ദേശങ്ങളും എല്ലാ തലമുറകളും നിന്നെ ഭാഗ്യവതി എന്ന് പ്രകീർത്തിക്കുകയും ചെയ്യും.

🌹🌸🌹🌸🌸🌸🌹🌹🌹🌹🌸🌹🌸