SAINTS

സ്വീഡനിലെ വി. ബ്രിഡ്‌ജറ് (1304 – 1373)

1304 ൽ സ്വീഡിഷ് രാജകുടുംബത്തിൽ ബ്രിഡ്‌ജറ് ജനിച്ചു. കുട്ടി ജനിച്ച ഉടനെ ഭക്തയായ 'അമ്മ ഗോത് രാജവംശത്തില്പെട്ട ഇകെഞ്ചുറുഗീസ്‌ മരിച്ചുപോയി. ഭക്തയായ ഒരു അമ്മായിയാണ് ബ്രിഡ്‌ജറ്റിനെ വളർത്തികൊണ്ടുവന്നത്. മുന്ന് വയസ്സുള്ളപ്പോഴെ ബ്രിഡ്ജറ്റിന് സംസാരശക്തി ഉണ്ടായുള്ളൂ. ആദ്യം ഉച്ചരിച്ച വാക്കുകൾ ദൈവസ്‌തുതികളാണ്. ബാലസാഹജമായ വാശിയോ കോപമോ അനുസരണക്കുറവോ ഒന്നും ബ്രിഡ്‌ജറ്റിൽ കണ്ടില്ല. പത്താമത്തെ വയസ്സിൽ പീഡാനുഭവത്തെപ്പറ്റി ഒരു പ്രഭാഷണം അവൾ ശ്രവിക്കുകയും അതെ രാത്രി ക്രൂശിതനായ ഈശോയുടെ ഒരു കാഴ്ച അവൾക്കുണ്ടാകുകയും ചെയ്തു. ഒരു സ്വരം അവൾ കേട്ടു: "എന്റെ മകളെ, എന്നെ നോക്കൂ" ശോകാർത്തയായി അവൾ ചോദിച്ചു: "ആരാണ് അങ്ങയോടു ഇങ്ങനെ ചെയ്തത്?"  "എന്നെ നിന്ദിക്കുന്നവരും എന്റെ സ്നേഹം ഗ്രഹിക്കാത്തവരും" എന്ന് കേട്ടതുപോലെ അവൾക്കു തോന്നി. ഈ ദർശനം എന്നും രാജകുമാരിയുടെ ധ്യാനവിഷയമായി. പിതാവിന്റെ നിർദ്ദേശാനുസരണം പതിനാറാമത്തെ വയസ്സിൽ ബ്രിഡ്‌ജറ് സ്വീഡനിലെ ഉൾഫാ രാജകുമാരനെ വിവാഹം ചെയ്തു.…