SAINTS

കാന്റർബറിയിലെ വി. അഗുസ്റ്റിൻ മെത്രാൻ 

ഇംഗ്ലണ്ടിലെ അപ്പസ്തോലനും കാന്റർബറിയിലെ പ്രഥമ ആർച്ബിഷോപ്പുമായ അഗുസ്റ്റിൻ റോമിലാണ് ജനിച്ചത്. ചേലിയൻ എന്ന സ്ഥലത്തുണ്ടായിരുന്ന വി. ആൻഡ്രൂവിന്റെ ആശ്രമത്തിൽ നിന്നു മുപ്പതു പേരെ 596 ൽ അവരുടെ പ്രിഓരായിരുന്ന അഗുസ്റ്റൂന്റെ നേതൃത്വത്തിൽ ഇംഗ്ലണ്ടിലെ ആംഗ്ലി എന്ന വർഗത്തെ അഞ്ചെലി (മാലാഖമാർ) ആക്കാൻ മഹാനായ ഒന്നാം ഗ്രിഗറി മാർപാപ്പ ഇംഗ്ലണ്ടിലേക്കു അയച്ചു. ക്രൂരരായ കാട്ടുജാതിക്കാരാണ് ആംഗ്ളി എന്ന് കേട്ടപ്പോൾ അഗുസ്റ്റിൻ മടങ്ങിപ്പോരാൻ തുടങ്ങി. അപ്പോൾ തീക്ഷ്ണമതിയായ ഗ്രിഗറി എഴുതി: "ദൈവനാമത്തിൽ മുന്നോട്ടു പോകുക. കഷ്ടതകൾ എത്ര കണ്ടു കൂടുന്നുവോ അത്രകണ്ട് വിശിഷ്ടമായിരിക്കും കിരീടം. സർവശക്തനായ ദൈവത്തിന്റെ അനുഗ്രഹം അങ്ങയെ പരിപാലിക്കട്ടെ. അങ്ങയുടെ അധ്വാനത്തിന്റെ ഫലം സ്വർഗ്ഗരാജ്യത്തിൽ ദർശിക്കാൻ എനിക്ക് അനുഗ്രഹം ലഭിക്കുമാറാകട്ടെ. എനിക്ക് അങ്ങയുടെ അധ്വാനത്തിൽ പങ്കെടുക്കാൻ കഴിയുകയില്ലങ്കിലും അങ്ങയുടെ കൊയ്ത്തിൽ ഞാൻ പങ്കെടുക്കുമാറാകട്ടെ. സന്മനസിനു എനിക്ക് ഒരു കുറവുമില്ലന്നു ദൈവം അറിയുന്നുണ്ടല്ലോ." വി. അഗുസ്റ്റിനും കൂട്ടുകാർക്കും അപ്രതീക്ഷിതമായ…