നോമ്പുകാല ചിന്തകൾ

“മനസ്സിലാണ്”

മോശയ്ക്കു നല്‌കിയ നിയമങ്ങളിൽ മനുഷ്യനുവേണ്ടിയുള്ള ദൈവഹിതം വെളിപ്പെടുത്തിയിട്ടുണ്ട് എന്ന് ഈശോ അംഗീകരിക്കുന്നു. മത്താ:5:18,19  ഈ വസ്തുതയ്ക്ക് അടിവരയിടുന്നു. പഴയനിയമത്തിൻറെ സാധുതയെ ചോദ്യം ചെയ്‌തു ആദിമക്രൈസ്തവർക്ക് ഈശോയുടെ വാക്കുകൾ ഉദ്ധരിച്ചു  സുവിശേഷകൻ അവർക്കു താക്കീതു നല്‌കുകയാണിവിടെ. എന്നാൽ മോശ നിയമത്തിൻറെ കാർക്കശ്യം കർത്താവ് അംഗീകരിക്കുന്നില്ല ഫരിസേയർക്കും നിയമജ്ഞർക്കും രൂക്ഷമായ വിമർശനമാണ് കർത്താവ് നൽകുന്നത് . "നിങ്ങളുടെ നീതി നിയമജ്ഞരുടെയും ഫരിസേയരുടെയും നീതിയെ അതിശയക്കുന്നില്ലെങ്കിൽ നിങ്ങൾ സ്വർഗ്ഗരാജ്യത്തിൽ പ്രവേശിക്കുകയില്ല" (മത്താ:5:20 ) ഒരു വശത്ത് ഈശോ നിയമത്തിൻറെ സാധുത ഉയർത്തിപ്പിടിക്കുന്നു. പക്ഷെ നിയമജ്ഞരുടെയും ഫരിസേയരുടെയും വ്യാഖ്യാനം അവിടുന്നു തള്ളിക്കളയുന്നു. കാരണം ദൈവത്തിൻറെ നിയമവും മനുഷ്യരുടെ വ്യാഖ്യാനവും തമ്മിൽ പെരുത്തപ്പെടുന്നില്ല. പഴയനിയമത്തെ ഉൾക്കൊണ്ടുകൊണ്ട് അതിലടങ്ങിരിക്കുന്ന ദൈവഹിതത്തിനു പൂർണ്ണമായ വിശദീകരണം നല്‌കി ഒരു പുതിയനിയമത്തിന് ഈശോ രൂപം നൽകിയിരിക്കുന്നു . ഇതിനു പഴയനിയമവുമായി ബന്ധമുണ്ട്. യഹൂദ പണ്ഡിതരെയോ പുരോഹിതരെപ്പോലെയോ അല്ല പൂർണ്ണ അധികാരത്തോടെയാണ്…