Bible Chinthakal

തടസ്സമാവരുത്

തന്റെ ചുറ്റും പുരുഷാരം കൂടുന്നതു കണ്ടപ്പോള്‍ മറുകരയ്‌ക്കു പോകാന്‍ യേശു കല്‍പിച്ചു. ഒരു നിയമജ്‌ഞന്‍ അവനെ സമീപിച്ചു പറഞ്ഞു: ഗുരോ, നീ പോകുന്നിടത്തെല്ലാം ഞാന്‍ നിന്നെ അനുഗമിക്കും. യേശു പറഞ്ഞു: കുറുനരികള്‍ക്കു മാളങ്ങളും ആകാശപ്പറവകള്‍ക്കു കൂടുകളുമുണ്ട്‌; എന്നാല്‍, മനുഷ്യപുത്രനു തലചായ്‌ക്കാന്‍ ഇടമില്ല. ശിഷ്യന്‍മാരില്‍ മറ്റൊരുവന്‍ അവനോടു പറഞ്ഞു: കര്‍ത്താവേ, പോയി എന്റെ പിതാവിനെ സംസ്‌കരിച്ചിട്ടുവരാന്‍ എന്നെ അനുവദിക്കണമേ. യേശു പറഞ്ഞു: നീ എന്നെ അനുഗമിക്കുക; മരിച്ചവര്‍ തങ്ങളുടെ മരിച്ചവരെ സംസ്‌കരിക്കട്ടെ. മത്തായി 8 : 18-22 ശിഷ്യത്വവുമായി ബന്ധപ്പെട്ട രണ്ട് സംഭവങ്ങൾ ഈ വചന ഭാഗത്തു അവതരിപ്പിക്കുന്നു. (1)ഈശോയുടെ ശിഷ്യൻ ആകാൻ ആഗ്രഹിക്കുന്ന ഒരു നിയമജ്ഞന്റേത് (2) ശിഷ്യനായ ഒരുവന് ഈശോ നൽകുന്ന ഉപദേശം. രണ്ടും ശിഷ്യത്വത്തിന്റെ ഗൗരവം വ്യക്തമാക്കുന്നവയാണ്. ഈശോയുടെ ആധികാരിക പ്രബോധനങ്ങളും അവിടുന്ന് പ്രവർത്തിച്ച അത്ഭുതങ്ങളും കണ്ടിട്ടുള്ളവനും കേട്ടിട്ടുള്ളവനുമായ നിയമജ്ഞൻ. ഒന്നുകൂടി ആലോചിച്ചിട്ട് തന്നെ…