Bible Chinthakal

"അവശ്യാവശ്യം"

ദൈവം കരുണ്യമാണ് , കരുണക്കടലാണ്. എന്നിൽ നിന്ന് അവിടുന്നു പ്രതീക്ഷിക്കുന്നതും കാരുണ്യം തന്നെ "ഞങ്ങളുടെ കടങ്ങൾ ഞങ്ങളോടു ക്ഷമിക്കണമേ" എന്ന കർത്തൃ പ്രാർത്ഥനയിലെ വാക്കുകൾ, ദൈവത്തിൻറെ കാരുണ്യത്തിനു വേണ്ടിയുള്ള വിനയാന്വിതവും സത്യസന്ധവുമായ നമ്മുടെ അപേക്ഷയാണ് നാം ദൈവത്തിനു സമർപ്പിക്കുന്നത്. നാം എത്ര വലിയ തെറ്റു ചെയ്തു പോയാലും, അനുതപിച്ചു, തെറ്റ് ഏറ്റുപറഞ്ഞു കുമ്പസരിച്ചാൽ ദൈവം നമ്മോടു ക്ഷമിക്കും. ഉറപ്പ് യാതൊരു വ്യവസ്ഥയുമില്ലാതെ, നിരുപാധികമാണ് അവിടുന്നു നമ്മോടു ക്ഷമിക്കുക. അവിടുത്തെ മക്കളായ നമ്മളും മറ്റുള്ളവരോടു നിരുപാധികം ക്ഷമിക്കണം. ഇതു നമ്മുടെ പരമ പ്രധാനമായ കടമയും സ്വർഗ്ഗം പ്രാപിക്കുന്നതിനുള്ള വ്യവസ്ഥയുമാണ്." ഏതൊരവസ്ഥയിലും യാതൊരു വ്യവസ്ഥകളും ഇല്ലാതെ ക്ഷമിക്കുന്നവർക്കേ സ്വർഗ്ഗപ്രാപ്തി ഉണ്ടാകൂ. ഈശോ കുരിശിൽ ക്ഷമിച്ചതുപോലെ തന്നെ നാമും ക്ഷമിക്കണം. നമ്മെ ദ്രോഹിച്ചവരെ ഹൃദയപൂർവ്വം നീതികരിച്ചു കൊണ്ട്, അവർക്കു വേണ്ടി പ്രാർത്ഥിച്ചു കൊണ്ട് അവർക്കു നന്മവരാൻ അവരെ വിനയപൂർവം അനുഗ്രഹിച്ചു കൊണ്ട്…