Bible Chinthakal

അനുസരിക്കാന്‍ സന്നദ്‌ധരെങ്കില്‍ നിങ്ങള്‍ ഐശ്വര്യം ആസ്വദിക്കും

തന്റെ ജനത്തിന്റെ പാപമോർത്തു കണ്ണീരൊഴുക്കുകയാണ് നെഹെമിയ. തന്റെയും ജനത്തിന്റെയും പാപങ്ങൾ ഏറ്റുപറഞ്ഞു അവൻ ആത്മാർത്ഥമായി അനുതപിക്കുന്നു. "എന്നാല്‍, അവരും ഞങ്ങളുടെ പിതാക്കന്‍മാരും ധിക്കാരവും ദുശ്‌ശാഠ്യവും കാട്ടി, അവിടുത്തെ കല്‍പന ലംഘിച്ചു.അവര്‍ അനുസരിക്കാന്‍ വിസമ്മതിച്ച്‌, അവിടുന്ന്‌ പ്രവര്‍ത്തി ച്ചഅദ്‌ഭുതങ്ങള്‍ അവഗണിച്ചു. ദുശ്‌ശാഠ്യക്കാരായ അവര്‍ ഈജിപ്‌തിലെ അടിമത്തത്തിലേക്കു മടങ്ങാന്‍ ഒരു നേതാവിനെ തിരഞ്ഞെടുക്കുകയും ചെയ്‌തു. ക്‌ഷമിക്കാന്‍ സന്നദ്‌ധനും ദയാലുവും കൃപാനിധിയും ക്‌ഷമാശീലനും അളവറ്റ സ്‌നേഹത്തിന്‌ ഉടയവനും ആയ ദൈവമാകയാല്‍ അവിടുന്ന്‌ അവരെ കൈവെടിഞ്ഞില്ല"(നെഹമിയാ 9 : 16-17). ജനം പ്രവാചകന്മാരുടെ വാക്കുകൾക്ക് ചെവി കൊടുക്കില്ലെന്ന് മാത്രമല്ല അവരെ വധിക്കുകയും ചെയ്തു. ഗ്രന്ഥകാരൻ, ഇസ്രായേലിന്റെ ചരിത്രത്തിൽ ദൈവം നടത്തിയ അത്ഭുതകരമായ, രക്ഷാകരമായ, കരുണാർദ്രമായ ഇടപെടലുകളെ നന്ദിയോടെ ഓർക്കുന്നുണ്ട്. ഇതിലൂടെ ദൈവത്തെ തങ്ങളുടെ ചരിത്രത്തിന്റെ നിയന്താ വായി അംഗീകരിച്ചു ഏറ്റുപറയുന്നു. പാപത്തിൻ റെയും അനുതാപത്തിന്റെയും അവശ്യാവശ്യകത ജനത്തെ ബോധ്യപ്പെടുത്താൻ ശ്രമിക്കുന്നു. ഓരോ അവസരത്തിലും…