🌼🌷അരക്കിട്ടുറപ്പിച്ചു🌼🌷

☘️🌻സഭയുടെ അധികാരം സ്നേഹ ശുശ്രൂഷയിൽ അടങ്ങിയിരിക്കുന്നു എന്ന് നാം കണ്ടു. അതായത് ഇതിൽ അധിഷ്ഠിതമാണെന്ന് അർത്ഥം. തമ്പുരാനെ തള്ളിപ്പറഞ്ഞു അപ്പോസ്തോലത്വം നഷ്ടപ്പെട്ട പത്രോസിനെ സ്നേഹത്തിലൂടെയും വ്യവസ്ഥയില്ലാത്ത ക്ഷമയിലൂടെയും വീണ്ടെടുത്ത് പുനസ്ഥാപിക്കുന്നതിലൂടെ ഈശോ ഈ സത്യം അരക്കിട്ടു ഉറപ്പിച്ചിരിക്കുന്നു. ഏവർക്കും അത് ബോധ്യപ്പെടുത്തുകയും ചെയ്തു. അവിടുന്ന് അവനെ ഒരിക്കൽ കൂടി ശിമയോൻ എന്ന് വിളിക്കുന്നു. അവന് ഒരു പുതിയ പേരും സഭാനേതൃത്വത്തിന്റെ അധികാരം നൽകി. 🌻🌼

🌹🌸സ്നേഹത്തിലധിഷ്ഠിതമായിരിക്കുന്നതുപോലെ സ്നേഹം അനുസരണവുമായും അഭിവാജ്യമായി ബന്ധപ്പെട്ടിരിക്കുന്നു. വൈദികർ പ്രത്യക്ഷത്തിൽ അപ്പോസ്തോലന്മാർ, പരോക്ഷമായി അധികാരികൾ. ” എന്നെ സ്നേഹിക്കുന്നുവെങ്കിൽ എന്റെ കല്പന പാലിക്കും. ഞാൻ പിതാവിനോട് അപേക്ഷിക്കുകയും എന്നേക്കും നിങ്ങളോടൊപ്പം ആയിരിക്കാൻ മറ്റൊരു സഹായകനെ (പരിശുദ്ധാത്മാവ്) അവിടുന്ന് നിങ്ങൾക്ക് നൽകുകയും ചെയ്യും” (യോഹ14 :15 -16). 🌹🌸

🌼🌷ഈശോ പറയുന്ന സ്നേഹത്തിന് ഗ്രീക്കിൽ ഉപയോഗിച്ചിരിക്കുന്ന രണ്ടുവാക്കുകളുടെ അർത്ഥത്തിന്റെ വെളിച്ചത്തിൽ ആഴമേറിയ അർത്ഥങ്ങൾ ആണുള്ളത്. ദൈവത്തിന് മനുഷ്യരോടുള്ള സ്നേഹം, കരുതൽ, കരുണ, എന്നൊക്കെ അവയ്ക്ക് അർത്ഥമുണ്ട്. യോഹ 3: 16. ഇത് സുതരാം വ്യക്തമാക്കുന്നു. ” അവനിൽ (ഈശോയിൽ) വിശ്വസിക്കുന്നവർക്ക് നശിച്ചുപോകാതെ നിത്യജീവൻ പ്രാപിക്കുന്നതിന് വേണ്ടി തന്റെ ഏക സുതനേ നൽകുവാൻ തക്കവണ്ണം ദൈവം ലോകത്തെ അത്രമാത്രം സ്നേഹിച്ചു”.,🌼🌷

🌹☘️തന്റെ ഏകജാതനെ മാനവരാശിക്ക് രക്ഷകനായി നൽകാനും മാത്രം ആ മകനെ പീഡനത്തിനും കുരിശുമരണത്തിനും( അവസാന തുള്ളി രക്തവും കൂടി ചീന്തി നൽകുന്നതിന്) അനുവദിച്ചുകൊണ്ട് പിതാവിന് മാനവരാശിയോടുള്ള അനന്ത സ്നേഹം ഇവിടെ വ്യക്തമാക്കിയിരിക്കുന്നു. അവിടുന്ന് വിണ്ണുവിട്ട് മണ്ണ് വരെ താഴ്ന്നിറങ്ങിയിരിക്കുന്നു. ☘️🌹

🌺🌼 മരണത്തോളം അതേ കുരിശു മരണത്തോളം അനുസരണ വിധേയനായ ത്യാഗോജ്വല സ്നേഹമാണ് ദൈവപുത്രൻ മാനവരാശിക്ക് സമ്മാനിച്ചത്. ലോകാന്ത്യത്തോളം കൂടെ ആയിരിക്കാനാണ് അനുനിമിഷം കാൽവറിയിലെ തിരുബലി ആവർത്തിച്ചു, ദിവ്യകാരുണ്യമായി എപ്പോഴും കൂടെയിരുന്ന് അവിടുന്ന് ലോകം മുഴുവനെയും സ്നേഹിച്ചാശ്ലേഷിക്കുന്നു. വിശുദ്ധീകരിക്കുന്നവനായി, നിത്യസഹായകനായി, പിതാവിന്റെ വാഗ്ദാനമായ പരിശുദ്ധാത്മാവിനെ നൽകിയിരിക്കുന്നു. യോഹന്നാൻ തന്റെ ഒന്നാം ലേഖനം 4 :10 വിളിച്ചോതുന്നു. “അവിടുന്ന് നമ്മെ സ്നേഹിക്കുകയും നമ്മുടെ പാപങ്ങൾക്ക് പരിഹാര ബലിയായി സ്വപുത്രനെ അയക്കുകയും ചെയ്തു എന്നതിലാണ് സ്നേഹം.” ഇവിടെ വിശുദ്ധ കൊച്ചുത്രേസ്യയുടെ സമാനതകളില്ലാത്ത പ്രഖ്യാപനം, “സ്നേഹം പ്രതിസ്നേഹത്താലെ കടം വീടൂ”. ചേർത്തുവായിക്കുക അത്യന്താപേക്ഷിതമാണ്.🌺🌼

🌹🌸🌹🌸🌹🌸