🌸🌸 അരൂപിയിലുള്ള കാരുണ്യം🌸🌸

നമ്മുടെ കർത്താവു വി. ഫൗസ്റ്റീനയിലൂടെ വൈദികരോട് :

അനേകം ആത്മാക്കൾ കാരുണ്യപ്രവർത്തികൾ ചെയ്യുവാൻ ഭൗതിക മാർഗ്ഗം ഒന്നും ഇല്ലാത്തതിനാൽ വളരെ അസ്വസ്ഥരാണ്. എന്നാൽ അരൂപിയിൽ ഉള്ള കാരുണ്യം: ഇത് അഭ്യസിക്കുവാൻ അനുവാദമോ സൂക്ഷിക്കുവാൻ കലവറയോ ആവശ്യമില്ല. ഇത് കൂടുതൽ യോഗ്യത ഉള്ളതാണ്; കൂടാതെ എല്ലാ ആത്മാക്കൾക്കും അഭ്യസിക്കുവാൻ സാധിക്കുന്നതുമാണ്. ഒരാത്മാവ് ഏതെങ്കിലും വിധത്തിൽ കരുണ അഭ്യർസിക്കുന്നില്ലെങ്കിൽ വിധിയുടെ ദിവസത്തിൽ എന്റെ കരുണ അതിനെ ലഭിക്കുകയില്ല. ഓ ആത്മാക്കൾക്ക് തങ്ങൾക്കായി നിത്യമായ നിക്ഷേപം എങ്ങനെ ശേഖരിക്കണം എന്ന് അറിഞ്ഞിരുന്നെങ്കിൽ, അവർ ഒരിക്കലും വിധിക്കപ്പെടുകയില്ലായിരുന്നു. കാരണം അവരുടെ കരുണയാൽ അവർ എന്റെ വിധികൾ തടയുന്നു.

പ്രാർത്ഥനയും പരിത്യാഗവും

എന്റെ മക്കളെ, പ്രാർത്ഥനയിലൂടെയും പരിത്യാഗത്തിലൂടെയും എങ്ങനെ ആത്മാക്കളെ രക്ഷിക്കാമെന്ന് നിന്നെ പഠിപ്പിക്കാൻ ഞാൻ ആഗ്രഹിക്കുന്നു. ഒരു മിഷനറി സുവിശേഷ പ്രസംഗത്തിലൂടെയും പ്രബോധനങ്ങളിലൂടെയും നേടുന്നതിൽ കൂടുതൽ ആത്മാക്കളെ നിനക്ക് പ്രാർത്ഥനയിലൂടെയും സഹനങ്ങളുടെയും മാത്രം നേടാൻ സാധിക്കും. നീ ജീവനുള്ള ഒരു സ്നേഹ ബലിയായി എന്റെ മുന്നിൽ കാണപ്പെടുക എന്നതാണ് നിനക്കുള്ള മൂല്യം. നിന്റെ അസ്ഥിത്വത്തിന്റെ രഹസ്യമായ ആഗാതങ്ങളിൽ, പൂർണ്ണമായും ഉൽമൂലനം ചെയ്യപ്പെട്ട്, നശിക്കപ്പെട്ട്, മരിച്ചവൾ ആയി നീ ജീവിക്കുക. മനുഷ്യന്റെ നയനങ്ങൾക്ക് ഗോചരമല്ലാത്ത നിന്റെ രഹസ്യങ്ങളുടെ ആഴങ്ങളിൽ നീ നശിപ്പിക്കപ്പെടണം. അപ്പോൾ നീ എനിക്ക് പ്രീതികരമായ മാധുര്യത്തിന്റെയും പരിമണത്തിന്റെയും ഒരു ദഹനബലി ആയി കാണപ്പെടും. മറ്റുള്ളവർക്ക് വേണ്ടി നിന്നെ മാധ്യസ്ഥ ശക്തി വളരെ വലുതായിരിക്കും. പുറമേ കാണുമ്പോൾ, നിന്റെ ബലി നിശബ്ദവും ഗോപ്യവും പ്രാർത്ഥനയാൽ പൂരിതവും സ്നേഹനിർഭരവും ആയിരിക്കണം. എന്റെ മകളെ, നിന്റെ ബലിയിൽ ഞാൻ സംപ്രീതനാകത്തക്കവിധം പരിശുദ്ധവും വിനയാന്വിതവും ആയിരിക്കണം എന്ന് ഞാൻ ആവശ്യപ്പെടുന്നു. ഞാൻ നിന്നിൽനിന്ന് ആവശ്യപ്പെടുന്നതു നിറവേറ്റാനായി ഒരു കൃപയും നിന്നിൽനിന്നു മാറ്റിവെയ്ക്കപ്പെകയില്ല.