സ്പെയിനിൽ സെയിൻ ഫാഗോണ്ടസ്സിൽ ജനിച്ച ജോണിന് ആസ്‌തപ്പാടു പട്ടം കിട്ടിയ ഉടനെ ആദായമുള്ള വൈദികസ്ഥാനങ്ങൾ സിദ്ധിച്ചു. ഇരുപത്താറാമത്തെ വയസിൽ പുരോഹിതനായി. ജോൺ പാപങ്ങളൊന്നും ചെയ്തില്ലായിരുന്നെങ്കിലും തന്റെ ജീവിതം ലൗകായത്തികമാണെന്നു തോന്നി. അദ്ദേഹം ആ വൈദീകസ്ഥാനങ്ങൾ ഉപേക്ഷിച്ചു ദാരിദ്രതയിലും ആശാനിഗ്രഹതയിലും ജീവിക്കാൻ തുടങ്ങി . ജ്ഞാനവായനയും ധ്യാനവും പ്രാർത്ഥനയും ലൗകിക സന്തോഷങ്ങളേക്കാൾ നിർമലമായ ആനന്ദം നൽകുമെന്ന് അനുഭവം കൊണ്ട് അദ്ദേഹം മനസിലാക്കി. ഈ മനസാന്തരത്തിനുശേഷം ജോൺ സലന്മങ്കയില് നാലുകൊല്ലം ദൈവശാസ്ത്രം പഠിച്ചു . അനന്തരം കുറേകാലം തീക്ഷ്ണതയോടെ വൈദിക വൃത്തി ചെയ്തു; അവസാനം 1463 യിൽ അദ്ദേഹം അഗസ്റ്റീനിയൻ സഭയിൽ ചേർന്നു. നോവിഷ്യറ്റിൽ തന്നെ അദ്ദേഹം ഒരുത്തമ സന്യാസിയെ പോലെ കാണപ്പെട്ടു. എളിമയിലും അനുസരണത്തിലും ആശാനിഗ്രഹത്തിലും അദ്ദേഹം സകലരെയും അതിശയിപ്പിച്ചിരുന്നു. അദ്ദേഹത്തിന്റെ പ്രസംഗങ്ങളും ഉപദേശങ്ങളും നഗരത്തിൽ വലിയ ഒരന്തരം വരുത്തി. ശണ്ഠകൾ പറഞ്ഞവസാനിപ്പിക്കാൻ അദ്ദേഹത്തിന് നല്ല കഴിവുണ്ടായിരുന്നു.
കുറേനാൾ ഫാ.ജോൺ നോവിഷയറ്റു ഗുരുവായിരുന്നു;1471 മുതൽ പ്രിയോരും. സഭയുടെ ചൈതന്യം പാലിക്കുന്നതിൽ അദ്ദേഹം സർവഥാ വിജയിച്ചിരുന്നു . അധികാരം പ്രയോഗിച്ചല്ല മാതൃക വഴിയാണ് അദ്ദേഹം കീഴുള്ളവരെ ഭരിച്ചത്. എല്ലാവര്ക്കും അദ്ദേഹത്തിന്റെ വിശുദ്ധിയെ പറ്റി നല്ല മതിപ്പുണ്ടായിരുന്നതുകൊണ്ടു ആരും അദ്ദേഹത്തിന്റെ ഉപദേശങ്ങളും നിർദേശങ്ങളും അവഗണിച്ചിരുന്നില്ല.
ഭൃത്യരെ ദ്രോഹിച്ചിരുന്ന ഒരു പ്രഭുവിൻനെ ഫാ.ജോൺ ഒരിക്കൽ ശാസിക്കുകയുണ്ടായി . അദ്ദേഹം രണ്ടുപേര അയച്ചു. ഫാ.ജോണിനെ വധിക്കാൻ. അവർ അദ്ദേഹത്തിന് വിശുദ്ധമുഖം കണ്ടതോടെ ദുഷ്ടവിചാരം തള്ളി മാപ്പപേക്ഷിച്ചു. പ്രഭു രോഗബാധിതനായി; അപ്പോൾ അദ്ദേഹവും ക്ഷമാപണം ചെയ്തു. വേറൊരിക്കൽ ഒരു പാപിയെ മനസാന്തരപ്പെടുത്തിയപ്പോൾ പാപത്തിൻ സഖിയായ പ്രഭ്വി ഫാ. ജോണിന് വിഷം കൊടുത്തു. 1479 ജൂൺ 11 നു അദ്ദേഹം മരിച്ചു
