SAINTS

വി. യുസ്‌ഥയും  റുഫീനയും (+287) രക്തസാക്ഷികൾ

സ്പെയിനിൽ സേവീലിയിൽ മൺപാത്രങ്ങൾ ഉണ്ടാക്കിവിറ്റു ഉപജീവനം കഴിച്ചിരുന്ന രണ്ടു ക്രിസ്തീയ വനിതകളാണ് യുസ്‌ഥയും  റുഫീനയും. വിജാതീയ പൂജകൾക്ക് ഉപയോഗിക്കാനുള്ള പാത്രങ്ങൾ അവർ ആർക്കും വിറ്റിരുന്നില്ല. കുപിതരായ വിജാതീയർ ആ വനിതകൾ വിൽക്കാൻ വെച്ചിരുന്ന പാത്രങ്ങളെല്ലാം ഉടച്ചുകളഞ്ഞു. ഇതിനു പ്രതികാരമായി ഒരു ദേവിയുടെ വിഗ്രഹം അവർ തകർത്തു. വിജാതീയർ രോഷംപൂണ്ട് ഗവർണറോട് ആവലാതിപെട്ടു. പ്രീഫെക്ട് യുസ്‌തയോടും റുഫീനയോടും അവർ നശിപ്പിച്ച വിഗ്രഹങ്ങൾ ഏതു ദേവന്മാരുടെയാണോ ആ ദേവന്മാർക്ക് ബലി ചെയ്യാൻ ആജ്ഞാപിച്ചു. അവർ അതിനു സന്നദ്ധരായില്ലെന്നു മാത്രമല്ല തങ്ങളുടെ ഗുരു യേശുക്രിസ്തുവാണെന്നു ഏറ്റുപറയുകയും ചെയ്തു. ഉടനടി അവരെ പീഡനയന്ത്രത്തിൽ കിടത്തി അവയവങ്ങൾ  വലിച്ചുനീട്ടനും പള്ള മുള്ളുകൊണ്ടു കീറാനും പ്രീഫെക്ട് ഉത്തരവിട്ടു. ബലി സമർപ്പിക്കാൻ സന്നദ്ധരാകുകയാണെങ്കിൽ മോചിപ്പിക്കാൻ വേണ്ടി ഒരു വിഗ്രഹം പീഡനോപകാരണത്തിന്റെ അരികെ വച്ചിരുന്നു. ഈ മർദ്ദനങ്ങൾ കൊണ്ടൊന്നും അവരുടെ വിശ്വാസം ചഞ്ചലിച്ചില്ല. യുസ്സ പീഡനയന്ത്രത്തിൽ കിടന്നു മരിച്ചു.…