Sacrament

നിങ്ങളും പോകാൻ ആഗ്രഹിക്കുന്നുവോ?

ദിവ്യകാരുണ്യത്തെക്കുറിച്ചുള്ള പ്രഖ്യാപനം ശിഷ്യരിൽ മിക്കവർക്കും ഉൾക്കൊള്ളാനായില്ല. അവർ പറഞ്ഞു "ഈ വചനം കഠിനമാണ്. ഇത് ശ്രവിക്കുവാൻ ആർക്കു കഴിയും?..." ഇതിനു ശേഷം അവന്റെ ശിഷ്യന്മാരിൽ വളരെപ്പേർ അവനെ വിട്ടുപോയി. അവർ പിന്നീടൊരിക്കലും അവന്റെകൂടെ നടന്നില്ല. ഈശോ 12 പേരോടുമായി ചോദിച്ചു "നിങ്ങളും പോകാൻ ആഗ്രഹിക്കുന്നുവോ?" ശിമയോൻ പത്രോസ് (മറുപടിയായി) പറഞ്ഞു "കർത്താവെ ഞങ്ങൾ ആരുടെ പക്കൽ പോകും? നിത്യജീവന്റെ വചനങ്ങൾ നിന്റെ പക്കലുണ്ട്. നീയാണ് ദൈവപുത്രനെന്നു ഞങ്ങൾ വിശ്വസിക്കുകയും അറിയുകയും ചെയ്തിരിക്കുന്നു" (യോഹ. 6:60-69). അതെ, ദിവ്യകാരുണ്യവും കുരിശും പലർക്കും ഇടർച്ചയുടെ കല്ലാണ്. ഇതൊരു മഹാ രഹസ്യമാണ്. എക്കാലവും ഭിന്നതയ്ക്കു അവസരമായി ഇത് നിലനിൽക്കുകയും ചെയ്യും.'നിങ്ങളും പോകാൻ ആഗ്രഹിക്കുന്നുവോ?' എന്ന കർത്താവിന്റെ ചോദ്യം യുഗങ്ങളിലൂടെ പ്രതിധ്വനിക്കുന്നു. അവിടുത്തേക്ക്‌ മാത്രമേ നിത്യജീവന്റെ വചനമുള്ളു എന്നും അവിടുത്തെ ദിവ്യകാരുണ്യത്തിന്റെ ദാനം വിശ്വാസത്തോടെ സ്വീകരിക്കുക എന്നത് അവിടുത്തെ തന്നെ സ്വീകരിക്കുക എന്നതാണെന്നും…