വി കൊച്ചുത്രേസ്യ

അമ്മയെപ്പോലെ മാത്രമല്ല, അമ്മയേക്കാൾ

പ്രിയപ്പെട്ട അമ്മേ, എന്റെ പേടിയകറ്റാൻ  അങ്ങ്  തന്ന  പരിശീലനം ഒരു യഥാർത്ഥ അനുഗ്രഹമാണ്. ചിലപ്പോൾ ദൂരെ ഒരു മുറിയിലുള്ള ഒരു സാധനം എടുത്തുകൊണ്ടുവരാൻ രാത്രിയിൽ അങ്ങ് എന്നെ തനിച്ച് അയയ്ക്കുമായിരുന്നു. അത്രനല്ല ഒരു പരിശീലനം ലഭിച്ചില്ലായിരുന്നുവെങ്കിൽ ഞാൻ മഹാഭീരുവായിതീരുമായിരുന്നു. നേരെ മറിച്ച് ഇപ്പോൾ ഞാൻ പേടിച്ചുപോവുക എന്നത് വാസ്തവത്തിൽ അസാധ്യം തന്നെയാണ്. അത്രയധികം സ്നേഹത്തോടും ലാളനയോടും കൂടെ വളർത്തിയിട്ടും എന്നെ വഷളാക്കാതിരിക്കാൻ അങ്ങേക്ക് എങ്ങനെ സാധിച്ചു എന്ന് പലപ്പോഴും ഞാൻ സവിസ്മയം സ്വയം ചോദിക്കാറുണ്ട്. ഒരു ന്യൂനതപോലും എന്നിൽ നിലനിൽക്കാൻ അങ്ങ് അനുവദിച്ചില്ല എന്നതാണ് വാസ്തവം. അകാരണമായി അങ്ങ് എന്നെ ഒരിക്കലും ശാസിച്ചിട്ടില്ല. എന്നാൽ, ഒരു തീരുമാനം എടുത്തുകഴിഞ്ഞാൽ, പിന്നെ അത് ഒരിക്കലും മാറുകയില്ല. അതെനിക്ക്  നല്ലവണ്ണം അറിയാമായിരുന്നു. അങ്ങ് എനിക്ക് ഒരു കാര്യം നിരോധിച്ചാൽ, പിന്നെ ഒരു അടിപോലും ആ വഴിക്കു മുമ്പോട്ടു വയ്ക്കാൻ എനിക്ക്…