സങ്കീർത്തനങ്ങൾ

അറുപതാം സങ്കീർത്തനം

ദൈവത്തോടൊത്തു പൊരുതുക അറുപതാം സങ്കീർത്തനത്തിന്റെ ആദ്യഭാഗം ദൈവം തങ്ങളെ പരിത്യജിച്ച്, തങ്ങളുടെ പ്രതിരോധനിരകൾ തകർത്തു എന്ന പരാതിയാണ് പ്രകടമായി നിൽക്കുന്നത്. അതേ ശ്വാസത്തിൽ തന്നെ 'ഞങ്ങളെ കടാക്ഷിക്കണമേ' എന്ന് സാധകൻ പ്രാർത്ഥിക്കുകയും ചെയ്യുന്നുണ്ട്. ദൈവത്തിന്റെ പ്രതികരണം അവരെ വളരെ നിരാശരാക്കുന്നുമുണ്ട്. ദൈവം തങ്ങളെ തള്ളിക്കളഞ്ഞിരിക്കുന്നു അഥവാ അവിടുന്ന് തങ്ങളോട് കോപിച്ചിരിക്കുന്നു എന്ന ചിന്ത സമൂഹ വിലാപങ്ങളുടെ ( സങ്കീർത്തനം 60 ഒരു സമൂഹ വിലാപഗാനം ആണ് ) ഒരു പ്രധാന പ്രമേയമാണ്. ദൈവം കോപത്തോടെ പ്രതികരിക്കുമ്പോഴാണ് ഇസ്രായേൽ പരാജയപ്പെടുന്നത്. മാത്രമല്ല അവർ അവിടുത്തെ മറക്കുന്ന അവസരങ്ങളിൽ അയൽരാജ്യങ്ങൾ തങ്ങൾക്കെതിരെ തലഉയർത്തുന്നതെന്നും പ്രകൃതിക്ഷോഭങ്ങൾ ഉണ്ടാകുന്നതെന്നും അവർ വിശ്വസിച്ചിരുന്നു. അതുകൊണ്ടാണ് ദൈവം തങ്ങളുടെ  പ്രതിരോധനിര കൾ തകർത്തു എന്നും ഭൂമിയെ വിറപ്പിച്ചു എന്നും ഭൂമി പിളർന്നു എന്നും ജനം വിലപിക്കുന്നത് . അവൻ തുടരുന്നു : ഭൂമി ഇടിഞ്ഞുവീഴാറായിരിക്കുന്നു. "…