വി. തോമസ് മൂർ (1477 -1535) രക്തസാക്ഷി

തോമസ് മൂർ ലണ്ടനിൽ ജനിച്ചു; കാന്റർബറി ആർച്ച്ബിഷപ്  കർദിനാൾ മോർട്ടന്റെ സംരക്ഷണത്തിൽ വിദ്യാഭ്യാസം നടത്തി. ഓക്‌സ്‌ഫോഡിൽ അദ്ദേഹം രണ്ടുകൊല്ലം പഠിച്ചു; രണ്ടുകൊല്ലത്തെ പരിശീലനത്തിനുശേഷം അഭിഭാഷകവൃത്തിയിൽ ഏർപ്പെട്ടു. 1529 ൽ ഹെൻറി എട്ടാമൻ തോമസ് മൂറിനെ ലോർഡ് ചാൻസലർ ഓഫ് ദി എക്‌സ്‌ചെക്കർ ആയി നിയമിച്ചു. കാതറിന് ഉപേക്ഷിച്ചു അനബോളിനെ വിവാഹം കഴിക്കാനും ഇംഗ്ലണ്ടിലെ കത്തോലിക്കാസഭയുടെ പരമാധികാരിയായി തനെ തന്നെ പ്രഖ്യാപിക്കാനുമുള്ള ഹെൻറിയുടെ തീരുമാനം പ്രതിഷേധിച്ചു 1532 ൽ തോമസ് മൂർ തന്റെ ഉദ്യോഗം രാജിവച്ചു. ഇംഗ്ലണ്ടിലെ രാജാവാണ് ഇംഗ്ലണ്ടിലെ സഭയുടെ പരമാധികാരിയെന്നു സത്യം ചെയ്യാൻ തോമസ് മൂർ തയാറാകാഞ്ഞതിനാൽ 1534 ൽ  അദ്ദേഹം ടവർ ഓഫ് ലണ്ടനിൽ അടക്കപ്പെട്ടു. ഭാര്യ ചെന്ന് രക്തസാക്ഷിത്വത്തിൽനിന്നു പിന്മാറാൻ ഭർത്താവിനോട് അപേക്ഷിച്ചു. അപ്പോൾ അദ്ദേഹം പറഞ്ഞു: “രാജാവിന്റെ പരമാധികാരം താങ്ങി സത്യം ചെയ്താൽ എത്ര  വര്ഷവുംകൂടി ജീവിക്കാൻ സാധിക്കും?” മൂറിന്റെ നാലു മക്കളിൽ മൂത്തവൾ മേരി റോപ്പേർ അപ്പച്ചന്റെ മുന്നിൽച്ചെന്നു കരഞ്ഞുനോക്കി. പതിനഞ്ചുമാസം ജയിലിൽ കിടന്ന് ക്ഷീണിതനായിരുന്നു തോമസ് മൂർ കഴുകുമരത്തിലേക്കു കയറുമ്പോൾ പറഞ്ഞു: മുകളിലേക്ക് കയറാൻ എന്നെ ഒന്ന് സഹായിചെക്ക്‌. കീഴോട്ട് ഞാൻതന്നെ പൊന്നുകൊള്ളാം. ഒരു തമാശയുംകൂടി ആ ശോകവേളയിൽ മൂർ പറഞ്ഞു. മഴുകൊണ്ട് ആരാച്ചാർ കഴുത്തുവേട്ടൻ തുടങ്ങിയപ്പോൾ താടിമീശ പകുത്തുവെച്ചുകൊണ്ടു അദ്ദേഹം ഉരിയാടി: ഈ താടിമീശ വെട്ടിമുറിക്കല്ലേ; അത് രാജ്യദ്രോഹം ചെയ്തിട്ടില്ല. 1535 ജൂൺ 6 നു ആയിരുന്നു തോമസ് മൂറിന്റെ ജീവിതനാടകത്തിന്റെ സമാപ്‌തി.