പരിശുദ്ധ ജപമാലയിൽ രണ്ടു കാര്യങ്ങൾ ഉൾപ്പെടുന്നുണ്ട് – മാനസിക പ്രാർത്ഥനയും വാചിക പ്രാർത്ഥനയും. ഈശോയുടെയും മാതാവിന്റെയും ജീവിതം, മരണം, മഹത്വം ഇവയിലെ മുഖ്യ രഹസ്യങ്ങളുടെ ധ്യാനമാണ് മാനസിക പ്രാർത്ഥന. “നന്മ നിറഞ്ഞ മറിയമേ” എന്ന പ്രാർത്ഥനയുടെ 20 ദശകങ്ങളും “സ്വർഗ്ഗസ്ഥനായ പിതാവേ” എന്ന പ്രാർത്ഥനയും ഉൾപ്പെടുന്നതാണ് വാചിക പ്രാർത്ഥന. സമാന്തരമായി ഈശോയും മതവും പരിശീലിപ്പിച്ച പ്രധാന പുണ്യങ്ങളെക്കുറിച്ചു ധ്യാനിക്കുകയും ചെയുന്നു.
സന്തോഷ രഹസങ്ങളെ വിശ്വസിച്ചാരാധിച്ചു അവയെകുറിച്ചു ധ്യാനിച്ച് വേണം അവ പ്രാർത്ഥിക്കാൻ. ഈശോയുടെ പൂങ്കാവനത്തിൽ ദുസ്സഹമായ വേദന, തൻ കൽതൂണിന്മേൽ കെട്ടപ്പെട്ടു ചമ്മട്ടികളാൽ അടിക്കപെടുന്നത്, മുൾമുടി ധരിപ്പിക്കൽ, കുരിശു വഹിച്ചു ഗാഗുൽത്താ കയറുന്നതു, അവിടുത്തെ കുരിശു മരണം ഇവ ധ്യാനവിഷയമാക്കി ആയിരിക്കണം ദുഃഖരഹസ്യങ്ങൾ മനനം ചെയുക. മഹത്വ രഹസ്യങ്ങളും പ്രകാശത്തിന്റെ രഹസ്യങ്ങളും ഇപ്രകാരം തന്നെ മനനവിഷയമാക്കി പ്രാർത്ഥിക്കണം.
ഇത് വ്യക്തം, മാനസിക വാചിക പ്രാർത്ഥനകളുടെ ഒരു വിശുദ്ധ മിശ്രിതമാണ് ജപമാല. ഇതിലൂടെ ഈശോയുടെയും, മറിയത്തിന്റെയും ജീവിതം, സഹനം, മരണം, മഹത്വീകരണം എന്നിവയുടെ രഹസ്യങ്ങളും പുണ്യങ്ങളും നാം ആദരിക്കുകയും അനുസ്മരിക്കുകയും അനുകരിക്കാൻ ശ്രമിക്കുകയും ചെയുന്നു.
