പാഷിനിസ്റ് സഭയുടെ സ്ഥാപകനായ ഫാദർ പോൾ ഫ്രാൻസിസ് ജെനോവയിൽ 1694 ജനുവരി മൂന്നാം തീയതി ഭൂജാതനായി. 16 മക്കളിൽ രണ്ടാമനായിരുന്നു പോൾ. അതിനാൽ കുടുംബം സംരക്ഷിക്കാൻ അധ്യയനം നിറുത്തേണ്ടിവന്നു. ദൃഢമാനസനും ശാന്തനുമായ പോൾ പ്രകൃത്യാ ഒരു നേതാവായിരുന്നു. ഏകാന്തം, പ്രായശ്ചിത്തം, ദരിദ്രനുകമ്പ എന്നിവ അവനു സ്വാഭാവികമായിരുന്നു. ബാല്യത്തിലൊരിക്കൽ പള്ളിയിൽവച് കാലിൽ ഒരു ബെഞ്ച് വീണുണ്ടായ മുറിവിനെപ്പറ്റി ബാലൻ പറഞ്ഞത് ദൈവം തന്ന ഒരു റോസെയെന്നാണ്.
കർത്താവിന്റെ പീഡാനുഭവത്തോടുള്ള ഭക്തി പോളിന്റെ പ്രിത്യേകതയായിരുന്നു. കുറേനാൾ റോമയിൽ ഏകാന്ത ജീവിതം കഴിച്ച ശേഷം റോമയിൽ വച്ച് പാഷനിസ്റ് സഭ സ്ഥാപിച്ചു. 17 കൊല്ലം കഴിഞ്ഞേ സഭയ്ക്ക് പേപ്പൽ അംഗീകാരം ലഭിച്ചൊള്ളു. പ്രഥമ ഭവനം മോന്തേ അര്ജെന്ദരിയോയിൽ സ്ഥാപിച്ചു. സഭാംഗങ്ങൾ ഉപയോഗിക്കുന്ന ബാഡ്ജ് മൂന്ന് ആണികൾ തറച്ചിരിക്കുന്ന ഹൃദയമാണ്.
50 വർഷത്തെ അനുസ്യൂതമായ ശാരീരിക വേദനയുടെ ഇടയ്ക്കു പോൾ എല്ലായിടത്തും ഈശോയുടെ സ്നേഹം ദർശിച്ചു. പുഷ്പങ്ങളോടും തൃണങ്ങളോടും അദ്ദേഹം പറയുമായിരുന്നു: “മൗനമായിരിക്കുക” അവ തന്നിൽ കൃതഘ്‌നത ആരോപിക്കുന്നുവെന്നായിരുന്നു വിചാരം. എമ്പത്തിഒന്നാമത്തെ വയസ്സിൽ പീഡാനുഭവചരിത്രം വായിച്ചു കേട്ടുകൊണ്ടിരിക്കുമ്പോൾ പോൾ ദിവംഗതനായി.
