പലർക്കും പഠിക്കാനൊരുങ്ങുമ്പോൾ പ്രശ്നങ്ങളാണ്. ചിലർക്ക് ഉറക്കം വരുന്നു. ചിലർക്ക് ശ്രദ്ധ കേന്ദ്രീകരിക്കാൻ പറ്റുന്നില്ല. ഇനിയും ചിലർക്ക് ചില വിഷയങ്ങൾ ഇഷ്ടമല്ല. TV ക്രിക്കറ്റ് മുതലായവ പലരെയും ശല്യപെടുത്തുന്നു.
ലക്ഷ്യബോധവും ആത്മവിശ്വാസവുമുണ്ടെങ്കിൽ ഇതൊന്നും പ്രശ്നമാവില്ല. നിങ്ങള്ക്ക് പഠിക്കാൻ വേണ്ട കഴിവ് ദൈവം തന്നിട്ടുണ്ടെന്നും അതുപയോഗിച്ചു വളരണമെന്നും ഓർക്കുക. പ്രയാസമുള്ള വിഷയങ്ങൾ ആദ്യം പഠിച്ചു ആത്മവിശ്വാസം വളർത്താം.
പഠിക്കാൻ വായു സഞ്ചാരവും വെളിച്ചവുമുള്ള ഒരു സ്ഥലം തെരഞ്ഞെടുക്കുക. ശാന്തമായ ഒരു അന്തരീക്ഷം ആയിരിക്കണം. ശബ്ദങ്ങളും ശ്രദ്ധ പതറാൻ സാധ്യതയുള്ള വസ്തുക്കളും ഒഴിവാക്കുക.