Christology

എന്തിനു ദൈവം എന്നെ സൃഷ്ടിച്ചു

ദൈവത്തെ അറിഞ്ഞു സ്‌നേഹിച്ച്, അവിടുത്തെ പ്രമാണങ്ങളനുസരിച്ചു ജീവിച്ചു നിത്യജീവൻ പ്രാപിക്കുവാനാണല്ലോ മനുഷ്യൻ സൃഷ്ടിക്കപ്പെട്ടിരിക്കുന്നത്. ഈശോ തന്റെ മഹാപുരോഹിത പ്രാർത്ഥനയിൽ അസന്നിഗ്ദ്ധമായി പറയുന്നു: 'ഏകസത്യ ദൈവമായ അവിടുത്തെയും (പിതാവിനെയും) അങ്ങ് അയച്ച ഈശോമിശിഹായെയും അറിയുന്നതാണു നിത്യജീവൻ' (യോഹ. 17: 3). യോഹ.6:47ൽ അവിടുന്നു വ്യക്തമാക്കുന്നു: 'വിശ്വസിക്കുന്നവനു നിത്യജീവനുണ്ട്'. അതായത്, ഈശോയിലുള്ള പരി.ത്രീത്വത്തിലുള്ള, വിശ്വാസവും നിത്യജീവനും അഭേദ്യമായി ബന്ധപ്പെട്ടരിക്കുന്നു. തൊട്ടു പിന്നാലെ അവിടുന്ന അരുളിചെയ്യുന്നു: 'സ്വർഗ്ഗത്തിൽ നിന്നിറങ്ങിയ ജീവനുള്ള അപ്പം ഞാനാണ്. ആരെങ്കിലും ഈ അപ്പത്തിൽനിന്നു ഭക്ഷിച്ചാൽ അവൻ എന്നേക്കും ജീവിക്കും'. തർക്കത്തിന്റെ പശ്ചാത്തലത്തിൽ അവിടുന്ന് ആവർത്തിച്ചുറപ്പിക്കുന്നു: 'സത്യം സത്യമായി ഞാൻ നിങ്ങളോടു പറയുന്നു: നിങ്ങൾ മനുഷ്യപുത്രന്റെ ശരീരം ഭക്ഷിക്കുകയും അവന്റെ രക്തം പാനം ചെയ്യുകയും ചെയ്യുന്നില്ലെങ്കിൽ നിങ്ങൾക്കു നിത്യജീവൻ ഉണ്ടായിരിക്കുകയില്ല. എന്റെ ശരീരം ഭക്ഷിക്കുകയും എന്റെ രക്തം പാനം ചെയ്യുകയും ചെയ്യുന്നവനു നിത്യജീവനുണ്ട്. അവസാനദിവസം ഞാനവനെ ഉയിർപ്പിക്കും..... എന്റെ…