അബ്രാമും ലോത്തും 1 അബ്രാം ഭാര്യയോടും സ്വന്തമായ സകലത്തോടുംകൂടെ ഈജിപ്തില്നിന്നുനെഗെബിലേക്കു പോയി. ലോത്തും കൂടെയുണ്ടായിരുന്നു.2 അബ്രാമിനു ധാരാളം കന്നുകാലികളും സ്വര്ണവും വെള്ളിയും ഉണ്ടായിരുന്നു.3 അവന് നെഗെബില്നിന്നു ബഥേല് വരെയും ബഥേലിനും ആയിയ്ക്കുമിടക്കു താന്മുമ്പു കൂടാരമടിച്ചതും,4 ആദ്യമായി ബലിപീഠം പണിതതുമായ സ്ഥലംവരെയുംയാത്രചെയ്തു. അവിടെ അബ്രാം കര്ത്താവിന്റെ നാമം വിളിച്ചപേക്ഷിച്ചു.5 അവന്റെ കൂടെ പുറപ്പെട്ട ലോത്തിനും ആട്ടിന്പറ്റങ്ങളും കന്നുകാലിക്കൂട്ടങ്ങളും കൂടാരങ്ങളുമുണ്ടായിരുന്നു.6 അവര്ക്ക് ഒന്നിച്ചു താമസിക്കാന് ആ ദേശം മതിയായില്ല. കാരണം, അവര്ക്കു വളരെയേറെസമ്പത്തുണ്ടായിരുന്നു. ഒന്നിച്ചു പാര്ക്കുക വയ്യാതായി.7 അബ്രാമിന്റെയും ലോത്തിന്റെയും കന്നുകാലികളെ മേയ്ക്കുന്നവര് തമ്മില് കലഹമുണ്ടായി. അക്കാലത്ത് കാനാന്കാരും പെരീസ്യരും അന്നാട്ടില് പാര്ത്തിരുന്നു.8 അബ്രാം ലോത്തിനോടു പറഞ്ഞു: നമ്മള് തമ്മിലും നമ്മുടെ ഇടയന്മാര് തമ്മിലും കലഹമുണ്ടാകരുത്. കാരണം, നമ്മള് സഹോദരന്മാരാണ്.9 ഇതാ! ദേശമെല്ലാം നിന്റെ കണ്മുമ്പിലുണ്ടല്ലോ. എന്നെപ്പിരിഞ്ഞു പോവുക. ഇടത്തുഭാഗമാണു നിനക്കു വേണ്ടതെങ്കില് ഞാന് വലത്തേക്കു പൊയ്ക്കൊള്ളാം. വലത്തുഭാഗമാണു നിനക്ക്…
