സങ്കീർത്തനങ്ങൾ

അഞ്ചാം സങ്കീർത്തനം

 രാജസങ്കേതം  ഇതൊരു വിലാപ സങ്കീർത്തനം ആണ്.പക്ഷേ ഇതിന് വളരെ ഏറെ സവിശേഷതകൾ ഉണ്ട്. കർത്താവിനെ രാജാവ് എന്ന് അഭിസംബോധന ചെയ്യുന്ന ആദ്യ സങ്കീർത്തനം ആണിത്  (വാ. 2) " എന്റെ രാജാവേ, എന്റെ ദൈവമേ എന്റെ നിലവിളിയുടെ സ്വരം ശ്രവിക്കണമേ! " എന്റെ രാജാവേ" എന്ന വിളിയിൽ അടങ്ങിയിരിക്കുന്ന വ്യക്തിബന്ധം ഹൃദയസ്പർശി ആണെന്ന് മനസ്സിലാക്കുക. രാജാവിന്റെ വ്യക്തിത്വത്തെ സങ്കീർത്തകൻ വ്യത്യസ്ത വീക്ഷണ കോണുകളിൽ നിന്ന് വീക്ഷിക്കുന്നത് കൊണ്ട് ഇതിനെ കർത്താവിന്റെ രാജ്യത്വ കീർത്തനം ആയി കണക്കാക്കാവുന്നതാണ്. ഇതിന്റെ ഘടനയിൽ അഞ്ച് കാര്യങ്ങളെങ്കിലും ഉണ്ട്:-  (1) രാജസമക്ഷം നടത്തുന്ന പരാതി (വാ.1-3). (2). ദുഷ്ട സംഹാരം, രാജധർമ്മം (വാ.4-6). (3) രാജ മന്ദിരത്തിൽ സാഷ്ടാംഗപ്രണാമം ചെയ്യുന്ന സങ്കീർത്തകൻ (വാ.7-8). (4) കർത്താവിന്റെ രാജത്വത്തിനെതിരെ മറുതലിക്കുന്നവൻ (വാ.9-10). (5) പ്രജാ സംരക്ഷണം രാജധർമ്മം (വാ.11-12).  ഈ ക്രമീകരണത്തിൽ പ്രത്യേകതകൾ പ്രത്യേകം…