സങ്കീർത്തനങ്ങൾ

അമ്പതാം സങ്കീർത്തനം

മഹാവിധിയാളൻ അൻപതാം സങ്കീർത്തനം പ്രവചന പരമാണ്. ഇതിൽ 1 -6 ദൈവാവിഷ്കരണത്തിന്റെ വിവരണം ആണ്. ദൈവം എല്ലായിടത്തും ഉണ്ട് അവിടുന്നാണ് യാഥാർത്ഥ്യങ്ങളുടെ യാഥാർത്ഥ്യം. ഇവിടെ സങ്കീർത്തകൻ ദൈവത്തിന് മൂന്ന് പേരുകൾ നൽകിയിരിക്കുന്നു. അത്യുന്നതൻ ദൈവം,കർത്താവ്. വിളിച്ചു കൊണ്ടും സംസാരിച്ചു കൊണ്ടും ആണ് കർത്താവ് പ്രത്യക്ഷപ്പെടുക. അവിടുത്തെ ആഹ്വാനം വിശ്വം മുഴുവൻ കേൾക്കാം. " സൗന്ദര്യത്തികവായ സീയോനിൽ നിന്നു ദൈവം പ്രകാശിക്കുന്നു"(വാ. 2).  ആരാധനയുടെ പശ്ചാത്തലത്തിലുള്ള ദൈവവിഷ്കാരവും വിധി പ്രഖ്യാപനവും ആണ്. " നമ്മുടെ ദൈവം വരുന്നു, അവിടെ നിന്നു മൗനം ആയിരിക്കുകയില്ല. അവിടുത്തെ മുമ്പിൽ സംഹരാഗ്നി ഉണ്ട്. അവിടുത്തെ ചുറ്റും കൊടുങ്കാറ്റ് ഇരമ്പുന്നു. തന്റെ ജനത്തെ വിധിക്കാൻ അവിടുന്ന് ആകാശത്തെയും ഭൂമിയെയും വിളിക്കുന്നു" (വാ.2-4).  ആകാശം അവിടുത്തെ നീതിയെ പ്രഘോഷിക്കുന്നു.... ദൈവം തന്നെയാണ് വിധികർത്താവ്. തന്റെ മുമ്പിലുള്ള സംഹാരാഗ്നിയും ചുറ്റുമുള്ള കൊടുങ്കാറ്റും അനീതി പ്രവർത്തിക്കുന്നവർക്കുള്ള കടുത്ത ശിക്ഷയെ…