Anubhava Sakshyam

ആർക്ക് കഴിയും?

സദുപദേശങ്ങൾ നൽകി കടന്നുപോയ വെറുമൊരു ഗുരു മാത്രമായിരുന്നില്ല ഈശോ. അവിടുന്ന് പ്രസംഗിച്ചതെല്ലാം പ്രവർത്തിപഥത്തിൽ കൊണ്ടുവന്നു. അവിടുന്ന് പറഞ്ഞിരുന്നതൊക്കെയും ചെയ്തു. ചെയ്തത് മാത്രം പറഞ്ഞു. അവിടുന്ന് നന്മയായിരുന്നു, നന്മയുടെ മാതൃകയുമായിരുന്നു. തന്റെ പ്രതിയോഗികൾക്ക് പോലും അവിടുന്നിൽ യാതൊരു കുറ്റവും ആരോപിക്കാനായില്ല ( യോഹ.8: 46) തന്നിൽ എന്തെങ്കിലും ഒരു കുറ്റം കണ്ടെത്താൻ കിണഞ്ഞ് പരിശ്രമിച്ചവരോടാണ് കർത്താവ് ധീര ധീരമായി ഈ വെല്ലുവിളി നടത്തിയത്. അവിടുത്തെ വിധി നടപ്പാക്കിയ പീലാത്തോസിനു പോലും അവിടുന്ന് യാതൊരു കുറ്റവും കണ്ടുപിടിക്കാൻ കഴിഞ്ഞില്ല. പീലാത്തോസ് പറഞ്ഞത് സുവ്യക്തമാണ്. " ഒരു കുറ്റവും ഞാൻ അവനിൽ കാണുന്നില്ല എന്ന് നിങ്ങൾ അറിയാൻ, ഇതാ അവനെ നിങ്ങളുടെ അടുത്തേക്ക് കൊണ്ടുവരുന്നു"(യോഹ.19:4). പാപം തീണ്ടാത്ത ഒരേ ഒരു വ്യക്തിയേ ചരിത്രത്തിൽ കാണാനാവൂ. ദൈവം മാത്രമേ നല്ലവനായുള്ളൂ. " ഏട്ടിലപ്പടി പയറ്റിലിപ്പടി" എന്നതാണ് പല ആചാര്യന്മാരുടെയും നേതാക്കളുടെയും ജീവിതം. അവർ…